Om oss   Kontakt oss         

Tung tids tale

Arrangør: Ål kulturhus
Tid: Sundag 7. oktober

Ei perle av ei bok blir teater:

"Olaug Nilssen tar pusten fra leseren med sin lille roman" VG, 6

Om ei mors kjærleik og kamp for eit barn som er annleis.

Daniel er tre år, og foreldra gler seg over kor flink han er til å synge og prate. Men så sluttar snakkinga. Latteren vender seg innover. Den vesle guten endrar seg. For mora byrjar ein kamp, fyrst for å forstå kva som skjer med guten, og så for å få hjelp til å gje han den omsorga han treng. Mødre skal aldri gje opp, blir det sagt, men kva er aksept, og kva er å gje opp?
 
Tung tids tale er inga heltehistorie. Det er ei historie om oss alle. Skrive med både humor, sinne og varme. Om ei mor som må gje så mykje meir kjærleik enn ho kan få. Om ei mor som møter ei tyngre tid enn ho visste fanst. Midt i Noreg, midt i livet, midt i kvardagen til folk. 
 
Olaug Nilssen er ein av våre mest vitale og engasjerte forfattarar, med ein både skarp og inderleg penn, og med Tung tids tale vann ho i fjor Brageprisen. "Ei kjærleikshistorie," kallar ho sjølv boka.
 
Og når Riksteatret går saman med Det Norske Teatret og Kilden Teater om å lage teater av denne sterkt personlege og kritikarroste romanen, er det Marit Moum Aune som har regien. Ho er ein av våre fremste regissørar, med oppdrag for TV, film og teater, og har tidlegare laga publikumssuksessar av Olaug Nilssen sin Få meg på, for faen, Vi har så korte armar og Stort og stygt. For tida er ho aktuell med Engler i Amerika på Nationaltheatret. Med seg har ho dei fire skodespelarane Jon Bleiklie Devik, Julie Moe Sandø, Marianne Krogh og Siren Jørgensen/ Charlotte Frogner, medan dramatiseringa er gjort av Toril Solvang i samarbeid med regissøren og Olaug Nilssen sjølv.

--

Sagt om romanen:

"Man trenger ikke store bøker for å løfte fram store temaer. Olaug Nilssen tar pusten fra leseren med sin lille roman."

VG (6)
 
"Gripende kjærlighetserklæring"
Adresseavisen (6)
 
"Vi skjønner mer enn ordene. Får kjenne på hvordan det er å være moren til Daniel."
Hamar Arbeiderblad (6)
 
"Noe helt for seg selv, dypt medrivende."
Dagbladet (5)
 
"Olaug Nilssen skildrer en smerte som er så fysisk at jeg blir skjelven"
Aftenposten
 
"Raus og styrkende om kjærlighet, samhold og håp"
BT 
 
"Olaug Nilssen har nok ein gong vist at ho er ei av Noregs skarpaste forfattarstemmer. Tung tids tale legg du ikkje frå deg upåverka."
Fædrelandsvennen (5)

--

På scenen
Jon Bleiklie Devig, Siren Jørgensen, Marianne Krogh og Julie Moe Sandø.


Team
Regissør: Marit Moum Aune. Scenograf: Even Børsum. Lysdesigner: Ola Bråten. Lyddesigner: Nils Wingerei. Dramatiker: Toril Solvang

 

Forestillingslengde: 2 timer 20 minutter (inkludert pause).

 

Urpremieren på Riksteatret i Nydalen 24. august 2018

Turnépremiere på Kilden 28. august 2018 (5 gonger i Kristiansand)

Turné til 50 stader med Riksteatret hausten 2018

 

Blir spela på Det Norske Teatret våren 2019

 

Riksteatret i samproduksjon med Det Norske Teatret og i samarbeid Agder Teater

 

Sjå intervju med Olaug Nilssen på "Lindmo" NRK

 

 

OKT
7
SUN
Tung tids tale
Stad: Ål kulturhus - Storesalen
Kl: 18:00

Kommentarer:

comments powered by Disqus

Annonser