Om oss   Kontakt oss         

Leikskeid 2018: The Savage Rose m. fl.

Arrangør: Ål kulturhus
Tid: Laurdag 18. august

Mat og kultur i storslagen natur!

For tiande gong ynskjer vertskap frå Ål kulturhus og Iungsdalshytta velkomen til årets vakraste konsertoppleving i Hallingdal.
Ta på deg fjellstøvlar og nyt ein times vandretur i lett fjellterreng frå Toviken, eller bestill båtskyss viss du heller ynskjer det. Når du kjem fram kan du kose deg med heimelaga rummegraut eller annan nydeleg stølsmat, og samstundes oppleve fleire timar med konsertar og artistar frå scena. Alt skjer ute i den frie natur, så i tillegg til den storslåtte konsertopplevinga vil også fjellområda som omkransar Iungsdalshytta garantert ta pusten frå deg.





I år er det 
legendariske The Savage Rose som står på scena i Iungsdalen.
The Savage Rose er eitt av dei mest banebrytande og sentrale rockebanda i Skandinavia gjennom tidene. 1967 var året det unge beatbandet
The Savage Rose møttes for fyrste gong. Sidan den gong har danskane uredd leidd oss gjennom psykedelisk rock, jazz, klassisk og verdsmusikk - alltid med eit politisk bodskap som bakteppe og med Annisette si særeigne stemme i front. Fem tiår seinare står bandet sterkt som aldri før.
Dagens live-utgåve av The Savage Rose spelar låtar frå heile den lange karrieren til bandet, både klassikarar frå dei tidlege albuma og låtar frå dei seinaste utgjevingane, samt heilt nye songar.

 

 


I tillegg til The Savage Rose har me i år også gleda av å høyre Lene Storhaug m/band og Baljelauget på Leikskeid.
 



LENE STORHAUG
Lene Storhaug, med oppvekst på Ål, har sunge og spelt sidan ho var ei lita jente. Lene både komponerer og framfører sin eigen musikk, og musikk-stilen hennar er ein skamlaus leik med sjangrar som spenner frå pop via bluegrass og inn i elektroland. 



 

BALJELAUGET
Denne kvartetten frå Voss blandar americana på norsk med folkemusikk. Namnet «Baljelauget» kjem av bassen dei nyttar, ein såkalla «washtub bass», eller vaskebalje. Dette gjev dei ein særeigen sound saman med hardingfele, dobro og trommer.


 

THE SAVAGE ROSE

The Savage Rose er eitt av dei mest banebrytande og sentrale rockebanda i Skandinavia gjennom tidene. 1967 var året det unge beatbandet The Savage Rose møttes for fyrste gong. Sidan den gong har danskane uredd leidd oss gjennom psykedelisk rock, jazz, klassisk og verdsmusikk - alltid med eit politisk bodskap som bakteppe og med Annisette si særeigne stemme i front. Fem tiår seinare står bandet sterkt som aldri før.
The Savage Rose, med Thomas Koppel og Annisette i spissen, har vore med på å revolusjonere og definere dansk rock. Men det er ikkje berre musikken deira som har sett dei på verdskartet: også den politiske kampen for dei svakaste i samfunnet gjer bandet viktige og aktuelle både den gong og i dag.

”Livsblues” kalla anmeldaren i Berlingske den spesielle genren The Savage Rose har dyrka sidan starten i 1967 – og som blomstra så vakkert og sterkt som nokon gong på 2012-albumet Love And Freedom, som vart hylla som eit av bandets beste utgjevingar nokosinne. Som alltid med den karismatiske Annisette som det vokale og visuelle midtpunkt i ei rekkje låtar, som tek ”eit flott favntak med livet, kjærleiken og retten til fridom”, som det stod i Berlingske.

Fantastisk å tenkje seg, at debutalbumet The Savage Rose kom ut så lenge sidan som i 1968 – då det var med på både å revolusjonere den danske rocken og samtidig definere denne som ein sjølvstendig kunstart. Sidan den gong har det vorte ei lang rekkje plater – både store kunstneriske og kommersielle suksessar, og plater spelt inn for eigne middel og gjeve ut på små alternative selskap, fordi bodskapen og innhaldet var så viktig, at det måtte ut.

Det er ikkje mange som kan gje ut store plater med meir enn 20 års mellomrom, men The Savage Rose har gjort det med klassikarar som Dødens Triumf og Black Angel.
Og med dei seinaste utgjevingane - Universal Daughter (2007) og Love And Freedom (2012) viste Annisette og The Savage Rose, at det også var liv i bandet etter avskjeden med det mangeårige kompositoriske midtpunktet, Thomas Koppel, som døydde brått i 2006.

Dagens live-utgåve av The Savage Rose spelar låtar frå heile den lange karrieren til bandet.
Dei spelar både klassikarar frå dei tidlege albuma og låtar frå dei seinaste utgjevingane, samt heilt nye songar.

 
I tillegg til Annisette Koppel består The Savage Rose i dag av:
Palle Hjorth (klaver, Hammond-orgel, harmonika)
Jacob Haubjerg (kontrabass, el-bass)
Anders Holm (trommer)
Rune Kjeldsen (gitar)
Naja Koppel og Amina Carsce Nissen (kor)

 

https://no.wikipedia.org/wiki/Savage_Rose

http://www.thesavagerose.net/

 

Når rekneskapen ein gong skal gjerast opp med hensyn til dansk rockemusikk dei siste 50 åra, vil ein uunngåeleg finne The Savage Rose ein stad heilt oppe i toppen av pyramiden. (Information)

Annisette og resten av bandet hennar var forut for si eiga tid for cirka 40 år sidan. Det er dei framleis. (Jyllands Posten)

…den aktuelle inkarnasjonen av The Savage Rose er tettare samanspelt og rett og slett berre betre enn nokon gong. (Gaffa)


 

 


Billett inkludert buss:
Bussen går frå nedsida av Ål kulturhus kl. 10:00. Retur frå Toviken kl. 19:00.

Behov for båttransport må du bestille direkte på Iungsdalshytta: tlf. 975 89 394.


NB! Det er IKKJE mobildekning ved Iungsdalshytta (skriv ut på papirversjon billettar som er kjøpt på nett).

 

AUG
18
LAU
Leikskeid: The Savage Rose m. fl.
Stad: Iungsdalshytta
Kl: 13:00

Kommentarer:

comments powered by Disqus

Annonser